Ashok Subron : «Zame dan mo lavi mo ti imazinn mwa minis» 

Votre plus grande fierté en 2024 ?

2024 pou res lane eleksion. Alor mo bann fierte, kouma enn aktivis politik, li prinsipalman lie a sa evennman-la.

Premie se pou re-amenn inpe lazwa de viv pou lepep ek lazenes Moris. 

Deziem, mo fierte se pou kontribie pou kree kondision pou bann sanzman konstitisionel kalitativ ek istorik, pou morisianism, drwa lanantir, drwa sosial ek ekonomik ek lavansman demokrasi. 

Trwaziem, se pou atraver Rezistans ek Alternativ (ReA), amenn kontribision sinifikativ dan enn viktwar 60-0 Lalians Sanzman. Ek pou kouronn le tou, mo fierte se pou trouv trwa depite papiyon dan Lasanble Nasional, parmi enn zenn ek enn fam papiyon, ansam avek mwa.

Le moment qui vous a le plus marqué en 2024 ?

Ena trwa. Premie, avek « Tape Missie Moustass », mo realize ki lepep Moris antie ti sou tab dekout, se di zame vi dan liswtar Moris. 

Deziem moman kinn mark mwa, se sa vizilans sitwayenn ki lepep inn demontre pou protez integrite ek deroulman eleksion. Seki finn donn sa eleksion-la enn karakteristik ‘revolision sitwayenn trankil’, enn espes « Printan Morisien ». Trwaziem, profonder Morisianism lepep ki finn exprime pandan ek apre sa eleksion-la, finn mark boukou.  

Un défi que vous avez surmonté en 2024 ?

Le plus grand défi lors de cette élection a été d’empêcher toute forme de débordement et de violence à caractère « communal » que le régime au pouvoir aurait pu déclencher dans son désespoir. Je suis convaincu que la participation de ReA a permis de faire prévaloir la conscience du mauricianisme face à toute forme de division « communaliste ».

Une leçon apprise l'année dernière ?

Lutte jusqu’au bout pour ton objectif. Zame zet zarm, mem ziska dernie minit. Manier ki Rezistans ek Alternativ inn aras so trwaziem tiket pou Kugan Parapen inn demontre sa. Tiket Kugan sete enn ti viktwar avan gran viktwar!

Une rencontre ou collaboration qui vous a inspiré ?

Monn zwenn de dimounn formidab ek rar dan sa eleksion-la. Se Sarojini Seeneevassen ek Nilkhant Dulloo. Touswit kouma ti ena posibilite ki Lalians Sanzman align mwa dan n°4, zot finn telefonn mwa pou exprim zot apresiasion, pou dir ki zot fier pou deziste pou mwa ek Rezistans ek Alternativ. Se de dimounn avek enn gran leker, profondeman imans ek sirtou anti-kominal. 

Votre anecdote la plus inattendue de 2024 ?

Premie, se pou retrouv mwa minis ! Zame dan mo lavi mo ti imazinn sa. Mo ti anvi vinn enn bon depite, pa enn minis. C’est vers la fin des élections, et surtout après, pour satisfaire les objectifs programmatifs de mon parti et la volonté des activistes du n°4, que j’ai accepté de devenir ministre.  

Deziem anekdot, se kan monn sey met enn kostim ek get mwa dan laglas ! Monn mor de rir ek monn dir sa pa pou mwa sa, pa pou kav. Depi ki mo depite, mo finn koumans gagn traka ki linz mo pou mete, mwa ki ti abitie met kitsoz sinp ki dan larmwar tou le gramatin. 

Bon, seki mo kontan aster, se partou kot mo ale, boukou dimounn dir zot kontan mo sinplisite. Mo profit lokazion pou dir zot mersi. 

Un message à partager pour 2025 ?

Rapel ki eleksion 2024, se sirtou viktwar lepep ek lazenes Moris. Zame les personn kokin sa zoli viktwar-la! An 2025, lepep bizin res vizilan, kont tou bann profiter ki pou sey rod detourn viktwar 2024. 

Sinon, mo anbras lepep Moris bien for ek dir zot mersi pou tou!